खासदार सुनील तटकरे, मंत्री आदिती तटकरे यांच्या पाठपुराव्याला यश

म्हसळ्याच्‍या अंतर्गत रस्त्यासाठी ४५ लाखांचा निधी
खासदार सुनील तटकरे, मंत्री आदिती तटकरे यांच्या पाठपुराव्याला यश
म्‍हसळा, ता. ३ (बातमीदार) ः म्हसळा तालुक्यातील सहा गावांच्या अंतर्गत रस्ते विकासासाठी तब्बल ४५ लाख रुपयांचा महत्त्वपूर्ण विकास निधी मंजूर करण्यात आला आहे. रायगडचे खासदार सुनील तटकरे आणि राज्याच्या महिला व बालकल्याण मंत्री आदिती तटकरे यांच्या प्रयत्नांना मोठे यश मिळाले आहे.
ग्रामीण भागातील रस्ते सुविधा उन्नत करणे, गावागावांमध्ये संपर्क मार्ग उपलब्ध करणे आणि दळण–वळणाची गुणवत्ता वाढवणे, यासाठी तटकरे यांनी ग्रामस्‍थांना आश्वासन दिले होते. त्‍यानुसार शासनाच्या विविध योजनांतून गावांच्या मूलभूत सुविधांसाठी निधी मिळवण्याचे त्यांचे प्रयत्न सातत्याने सुरू आहेत. त्याचा एक भाग म्हणून जिल्हा वार्षिक योजना (सर्वसाधारण) २०२५–२६ अंतर्गत इतर जिल्हा रस्त्यांचा विकास व मजबुतीकरण योजना मार्फत हा निधी मंजूर करण्यात आला आहे. या निधीमुळे वरील गावांमधील रस्त्यांची उभारणी आणि दुरुस्तीची कामे लवकरच सुरू होणार असून, त्यामुळे ग्रामीण भागातील वाहतूक सोयीसुविधांमध्ये मोठी सुधारणा होणार आहे.
...................
प्रशासकीय मंजुरीनुसार निधी वितरित
सकलप कोंड – ८ लाख रुपये
रातिवणे – ८ लाख रुपये
बेलाचीवाडी – ७ लाख रुपये
जांभूळ – ८ लाख रुपये
आंबेत मोहल्ला (नवानगर) – ८ लाख रुपये
खामगाव – ६ लाखर रुपये