म्हसळा परीक्षा केंद्रावर बारावी परीक्षा सुरळीत सुरु, केंद्रावर एकूण ६१२ परीक्षार्थी

म्हसळा परीक्षा केंद्रावर बारावी परीक्षा सुरळीत
म्हसळा, ता. १० ः बारावीची परीक्षा मंगळवारपासून अंजुमन महाविद्यालय येथे शांततेच्या वातावरणात सुरू झाल्या. केंद्रावर एकूण ६१२ परीक्षार्थी प्रविष्ट झाले असून, त्यामध्ये विज्ञान शाखेतून २०८, कला शाखेतून १३९ आणि वाणिज्य शाखेतून २६५ विद्यार्थी परीक्षा देत आहेत. रहिमान घराडे यांची केंद्र संचालक म्हणून नियुक्ती झाली असून, धर्मा धामणकर यांच्यावर कस्टोडियनची जबाबदारी माध्यमिक आणि उच्च माध्यमिक परीक्षा मंडळाने सोपविली आहे. परीक्षा कालावधीत कोणताही अनुचित प्रकार घडणार नाही आणि शांततेत पार पाडतील, अशी ग्वाही घराडे यांनी दिली आहे.