भंडारी समाजाच्या सचिवपदी जयप्रकाश ठाकुर

विरार, ता. १२ (बातमीदार) : सुवर्ण महोत्सवी वर्षाकडे वाटचाल करणाऱ्या वसईतील शेषवंशी क्षत्रिय भंडारी समाज विश्‍वस्त मंडळाच्या सचिवपदी पंचायत समितीचे माजी उपसभापती जयप्रकाश ठाकूर यांची निवड करण्यात आली आहे. नुकतीच या मंडळाच्या कार्यकारिणीची निवडणूक झाली. २१ कार्यकारिणी सदस्य असलेल्या या मंडळाच्या सचिवपदासाठी २१ पैकी १० मते जयप्रकाश ठाकूर यांना मिळाली; तर त्यांचे प्रतिस्पर्धी नवीन चोरघे यांना ८ मते पडली. उर्वरित ३ जणांनी तटस्थपणाची भूमिका घेतली. त्यामुळे जयप्रकाश ठाकूर निवडून आले आणि संस्थेच्या इतिहासात प्रथमच उत्तर वसईला कार्यवाह पद मिळाले.