निकणे येथे सोलार किटचे वाटप

कासा, ता. ८ (बातमीदार) : डहाणू तालुक्यातील निकणे पिंपळशेत (खुर्द) येथे स्पॉन्सर इनरवील क्लब ऑफ मुंबई, सी कॉस्ट व कंपनी सोलारान होम्स प्रा. लि. मुंबई यांच्यामार्फत ११२ सोलार पॅनल, ३ लॅम्प, पॉवर बँक अशी किट व टॉवेल, चादर, साबण, पेन, बिस्किट, नॅपकिन असे सर्व साहित्य वाटप करण्यात आले. त्या भागातील शाळेतील मुलांना व शेल्टी, रानशेत, निकणे, पिंपळशेत या गावातील गरजू व वीज नसलेल्या ग्रामस्थांना हे सर्व किटवाटप करण्यात आले. वाटप करण्यासाठी इनरव्हील ऑफ मुंबई सी कॉस्टचे अध्यक्ष डॉ. सबरवाल, डॉ. मिसी सबरवाल, डॉ. जॉनी सोनीजी, शिल्पा अजानी, देवल शाहा, रेणू टीका व सोलारान होम्स प्रा. लि. मुंबईचे प्रमुख हरप्रित सिंग व सर्व सहकारी तसेच आयोजक जननायक बिरसा मुंडाचे अध्यक्ष सुधीर घाटाळ व कार्यकर्ते, निकणेचे उपसरपंच सुदाम मेरे, सदस्य अजय घाटाळ, गंजाडचे सरपंच अभिजीत देसक, उपसरपंच कौशल कामडी, प्रवीण वरठा उपस्थित होते.