उल्हासनगरात ९१ वाहनचालकांना न्यायालयाकडून दंड

उल्हासनगरात ९१ वाहनचालकांना न्यायालयाकडून दंड

उल्हासनगर, ता. ८ (वार्ताहर) : वाहतुकीस अडथळा निर्माण करणाऱ्या बेकायदा वाहन पार्किंग आणि हातगाडीवाल्यांविरोधात मध्यवर्ती पोलिसांनी आक्रमक पवित्रा घेतला आहे. गेल्या महिनाभरात राबवलेल्या मोहिमेत १०० पेक्षा अधिक वाहनचालक व ५० फेरीवाल्यांविरोधात गुन्हा दाखल करण्यात आला. त्यापैकी ९१ वाहनचालकांना न्यायालयाने दंड ठोठावला.

मध्यवर्ती ठाण्याच्या हद्दीतील कल्याण-बदलापूर महामार्ग, छत्रपती शिवाजी महाराज चौक, फर्निचर बाजार, इलेक्ट्रॉनिक मार्केट, पश्चिमेचा रेल्वे स्थानक परिसर, फॉरवर्ड लाईन, प्रेस बाजार ही रहदारीची ठिकाणे आहेत. या ठिकाणी बिनधास्तपणे बेकायदा पार्किंग करण्यात येत असल्याने वाहतूक, पादचाऱ्यांना अडथळा निर्माण होत होता. त्यामुळे अनेकदा वादविवाद होत होते. वाहतूक कोंडी आणि नागरिकांसाठी डोकेदुखी ठरणाऱ्या हातगाडी चालकांविरोधात पोलिसांनी आक्रमक मोहीम हाती घेतली होती. त्यानुसार मध्यवर्ती ठाण्याचे वरिष्ठ पोलिस निरीक्षक मधुकर कड आणि उल्हासनगर ठाण्याचे वरिष्ठ पोलिस निरीक्षक दिलीप फुलपगार यांनी शंभरच्या वर वाहनचालकांविरोधात विविध कलमांतर्गत गुन्हा दाखल केला होता.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com