महिला डॉक्टरची फसवणूक

महिला डॉक्टरची फसवणूक

अंधेरी, ता. ९ (बातमीदार) ः मुलांची तपासणी करण्याच्‍या नावाने एका महिला डॉक्टरची फसवणूक झाल्याचा प्रकार सांताक्रूझ परिसरात उघडकीस आला आहे. या प्रकरणी वाकोला पोलिसांनी चंद्रप्रकाश आणि सत्यप्रकाश या दोन तोतया अधिकाऱ्‍यांविरुद्ध फसवणुकीसह आयटी कलमांतर्गत गुन्हा नोंदवला आहे. ४७ वर्षांची तक्रारदार महिला ही डॉक्टर असून तिचे सांताक्रूझ येथे एक खासगी क्लिनिक आहे. दोन दिवसांपूर्वी तिला चंद्रप्रकाश नावाच्या एका व्यक्तीने फोन करून तो आर्मीमध्ये कामाला असल्याचे सांगितले. त्यांच्या क्लिनिकमध्ये आर्मीच्या ९७ मुलांचे चेकअप करायचे आहे. दररोज दहा मुलांना चेकअपसाठी पाठविले जाईल. त्यासाठी त्यांना त्यांचे सिनिअर अधिकारी कॉल करतील, असे सांगितले. त्यानंतर तिला सत्यप्रकाश नावाच्या व्यक्तीने फोन करून ९७ मुलांच्या चेकअपचे ऑनलाईन पेमेंटसाठी बँक खात्याची माहिती घेतली होती. तिचा विश्‍वास बसावा म्हणून त्याने तिला व्हिडीओ कॉलद्वारे तो आर्मी अधिकारी असल्याचे दाखवून दिले होते. तिच्या बँक खात्याची माहिती घेऊन त्यांनी तिच्या खात्यातून सुमारे दोन लाख रुपये ऑनलाईन ट्रान्स्फर करून तिची फसवणूक केली होती. पैसे डेबिट झाल्याचा मॅसेज प्राप्त होताच तिला फसवणुकीचा हा प्रकार निदर्शनास आला होता. त्यानंतर तिने वाकोला पोलिसांना घडलेला प्रकार सांगून सत्यप्रकाश आणि चंद्रप्रकाश नाव सांगणाऱ्या आर्मीच्या दोन तोतया अधिकाऱ्‍यांविरुद्ध तक्रार केली होती. या तक्रारीनंतर पोलिसांनी दोघांविरुद्ध फसवणुकीसह आयटी कलमांतर्गत गुन्हा नोंदवून तपासाला सुरुवात केली आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com