डोंबिवलीत महिलेला मारहाणप्रकरणी तक्रार दाखल

डोंबिवली, ता. १३ (बातमीदार) : मोठ्याने हॉर्न का वाजवतो, असा प्रश्न विचारला म्हणून महिलेला बेदम मारहाण करण्यात आली आहे. ही घटना मानपाडा भागात घडली असून महिलेने नितेश ऊर्फ गोट्या भोईर या तरुणाविरुद्ध मानपाडा पोलिस ठाण्यात तक्रार नोंद केली आहे. तक्रारदार महिला दुचाकीवरून आपल्या मुलांसह चालली होती. मागून मोटारीने येणारा तरुण मोठ्या आवाजाने हॉर्न वाजवत होता. महिलेने रस्ता मोकळा असताना मोठ्याने हॉर्न का वाजवतो, असा प्रश्न विचारला असता नितेश याने महिलेला भर रस्त्यात मारहाण केली.