पनवेल पोस्ट कार्यालयात १५ मार्चला पहिली डाक अदालत

पनवेल पोस्ट कार्यालयात १५ मार्चला पहिली डाक अदालत

पनवेल पोस्ट कार्यालयात १५ मार्चला पहिली डाक अदालत
नवीन पनवेल, ता. २६ (वार्ताहर) : नवीन पनवेल पोस्ट मास्टर जनरल, नवी मुंबई क्षेत्रच्या वतीने १५ मार्चला पनवेल मुख्य डाकघर, दुसरा मजला येथे पहिली डाक अदालत घेण्यात येणार आहे.
मालेगाव, नाशिक, नवी मुंबई, पालघर, रायगड, ठाणे विभागांच्या डाक सेवांशी संबंधित पोस्टाच्या सेवेविषयी किंवा कामकाजाबद्दल ज्या तक्रारींचे निवारण सहा आठवड्यांच्या आत झाले नसेल आणि समाधानकारक उत्तर मिळाले नसेल, अशा तक्रारींची या डाक अदालतीमध्ये दखल घेतली जाईल. विशेषतः टपाल वस्तू, मनी ऑर्डर, बचत बँक खाते, प्रमाणपत्र आदी तक्रारी विचारात घेतल्या जातील. तक्रारींचा उल्लेख सर्व तपशिलासह केलेला असावा. (उदा. तारीख व ज्या अधिकाऱ्यास मूळ तक्रार पाठवली असेल त्याचे नाव व हुद्दा इत्यादी.) देशामधील पोस्टाच्या सेवेने एक वेगळ्या प्रकारचे स्थान निर्माण केले आहे. मात्र, तरीही सेवेमधील काही त्रुटीमुळे असे काही प्रसंग निर्माण होतात की, त्यामुळे पोस्टाच्या सेवेबद्दल तक्रार करण्याची वेळ येते. या तक्रारींचा न्याय निवाडा करण्यासाठी पोस्ट खात्याने वेळोवेळी डाक अदालत घेण्याचे ठरविले आहे. त्यामध्ये पोस्ट विभागाचे अधिकारी तक्रार सोडवण्याचा प्रयत्न करणार आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com