आरोग्य विभागातील रिक्त पदे भरणार | Sakal
sakal

बोलून बातमी शोधा

आरोग्य विभागातील रिक्त पदे भरणार
आरोग्य विभागातील रिक्त पदे भरणार

आरोग्य विभागातील रिक्त पदे भरणार

sakal_logo
By

सकाळ वृत्तसेवा

मुंबई, ३ : राज्यातील आरोग्य सेवा-सुविधांच्या बळकटीकरणासाठी विभागातील रिक्त पदे लवकरच भरण्यात येतील. तसेच आरोग्य केंद्रातील बायोमेट्रिक हजेरी प्रणालीसाठी मुंबई, पुणे येथे मध्यवर्ती बायोमेट्रिक हजेरी पडताळणी यंत्रणा कार्यान्वित करण्यात येणार आहे, अशी माहिती सार्वजनिक आरोग्यमंत्री डॉ. तानाजी सावंत यांनी विधानसभेत दिली.

पुणे जिल्ह्यातील वेल्हे तालुक्यात आरोग्य सेवा सुधारण्यासाठीच्या उपाययोजनांबाबत विधानसभा सदस्य सुभाष थोपटे, राजेश टोपे, अनिल देशमुख, रवी राणा यांनी प्रश्न उपस्थित केला होता. त्याला उत्तर देताना सावंत बोलत होते. ते पुढे म्हणाले, हृदयविकाराने झटका येऊन मृत्यू होण्याचे प्रमाण वाढत आहे. अशा रुग्णांना गोल्डन अवरमध्ये आरोग्य सेवा-सुविधा तातडीने उपलब्ध व्हाव्यात यासाठी ‘स्टेमी’ प्रकल्पाची अंमलबजावणी करण्यात येणार आहे.