विरारमध्ये सत्यनारायण यात्रोत्सव

वसई, ता. ३० (बातमीदार) : विरार पूर्वेकडील कोपरी येथे सत्यनारायण प्रतिष्ठान ग्रामस्थ मंडळातर्फे श्री सत्यनारायण यात्रा उत्सव मोठ्या उत्साहात पार पडला. यावेळी पालखी सोहळा, सांस्कृतिक कार्यक्रम तसेच भजनात भाविक तल्लीन झाले. ठाणे जिल्हा परिषदेचे माजी अध्यक्ष व सत्यनारायण प्रतिष्ठानचे अध्यक्ष काशिनाथ पाटील यांनी पालखी खांद्यावर देवाच्या नामस्मरणात तल्लीन झाले.
मंदिरात सकाळी अभिषेक, श्रींचे पूजन होम हवन व विविध धार्मिक कार्यक्रम पार पडले. यावेळी महाप्रसादाचा (भंडारा) लाभ भाविकांनी घेतला. या सोहळ्यानिमित्त सांस्कृतिक कार्यक्रमासोबत भजनाचे आयोजन करण्यात आले होते. याप्रसंगी काशिनाथ पाटील यांच्यासह अनेक मान्यवर, ग्रामस्थ व आजूबाजूच्या परिसरसतील नागरिकांनी सहभागी झाले होते.
-----------------
वसई : विरारमध्ये सत्यनारायण यात्रोत्सवानिमित्त पालखी काढण्यात आली.