धनगर आरक्षणाचा मुद्दा महिनाभरात मार्गी लागेल

धनगर आरक्षणाचा मुद्दा महिनाभरात मार्गी लागेल

शिवडी, ता. १० (बातमीदार) ः राज्यातील धनगर समाजबांधवांसाठी आतापर्यंत केलेल्या आंदोलनांना यश मिळणार असून आरक्षणाचा मार्ग महिनाभरात मोकळा होणार असल्याचा दावा इंडिया अगेन्स्ट करप्शनचे राष्ट्रीय अध्यक्ष आणि आरक्षणासंबंधीचे याचिकाकर्ते हेमंत पाटील यांनी केला आहे.
आरक्षणासंबंधी मुंबई उच्च न्यायालयात न्यायमूर्ती गौतम पटेल आणि न्यायमूर्ती नीला गोखले यांच्या खंडपीठासमोर सुनावणी घेतली जात आहे. या सुनावणीदरम्यान राज्य तसेच केंद्र सरकारने त्यांची बाजू खंडपीठासमक्ष मांडली. या वेळी हेमंत पाटील यांनी सादर केलेल्या पुराव्यांवर युक्तिवाद झाला. पाटील यांच्या वतीने आतापर्यंत आरक्षणासंदर्भात दोन हजार पुरावे न्यायालयात सादर करण्यात आले आहेत. आता बुधवारी (ता. १२) सरकारकडून आरक्षणासंबंधीची भूमिका स्पष्ट केली जाणार असून यासंबंधी प्रतिज्ञापत्र सादर केले जाईल, अशी माहिती पाटील यांनी दिली.
समाजाला आरक्षण मिळाले आहे, पंरतु त्याची अंमलबजावणीच होत नसल्याने समाजबांधव आरक्षणापासून वंचित असल्याची खंत पाटील यांनी व्यक्त केली. धनगर आरक्षणासाठी राज्य सरकारविरोधात पाटील यांनी अनेक आंदोलने केली असून त्यांच्यावर आंदोलनासंदर्भात नऊ गुन्हे दाखल आहेत. आता या आंदोलनांना यश मिळणार असल्याची भावना पाटील यांनी व्यक्त केली. राज्यात धनगर आरक्षणाचा मुद्दा मार्गी लागणार असल्याने समाजाची विकासाच्या दिशेने वाटचाल होणार आहे. विधानसभा निवडणुकीत समाजाचे २० आमदार निवडून येऊ शकतात, असा दावादेखील पाटील यांनी केला.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com