मसाला पिकांबाबत मार्गदर्शन शिबिर

वसई, ता. १० (बातमीदार) : डॉ. बाळासाहेब सावंत कोकण कृषी विद्यापीठांतर्गत कृषी संशोधन केंद्राने मसाला पिकांची लागवड व व्यवस्थापन याबाबत मार्गदर्शन कार्यक्रम आयोजित करण्यात आला होता. यावेळी सुमारे ६० शेतकरी सहभागी झाले होते. यात काळीमिरी, वेलदोडे, मिरची, जायफळ, आले, हळद, लवंग आदी पिकांची लागवड पालघर जिल्ह्यात होऊ शकते यासाठी हवामान चांगले आहे या विषयी मार्गदर्शन करण्यात आले. यावेळी डॉ. एस. आर. कदम, डॉ. एल. के. गभाले, कृषी अधिकारी तरुण वैती, सरपंच दीपक करबट, विवेकानंद ठाकूर, व्ही. व्ही. सागवेकर आदी उपस्थित होते. याप्रसंगी शेतकऱ्यांना दालचिनी, काळीमिरी रोपांचे व हळद बियाणांचे वाटप करण्यात आले.