फिनटेकची शेतकऱ्यांसाठी ‘एअर पे’ योजना

फिनटेकची शेतकऱ्यांसाठी ‘एअर पे’ योजना

मुंबई, ता. १० : डेअरीमध्ये दूध किंवा एपीएमसीमध्ये शेतमाल देणाऱ्या शेतकऱ्यांना आपल्या मालाचे पैसे तात्काळ मिळू शकतील, अशी योजना फिनटेक कंपनी ‘एअर पे’ने आणली असून त्याचा पहिला प्रयोग त्यांनी मध्य प्रदेशात सुरू केला आहे.

एअर पे कंपनीचे चीफ बिझनेस ऑफिसर सुलभ टंडन यांनी आज येथे ही माहिती सकाळला दिली. विशेषतः कृषी उत्पन्न बाजार समितीत शेतमाल देणाऱ्या शेतकऱ्यांना मालाचे तुटपुंजे पैसेही काही महिन्यांनंतर मिळतात असा अनुभव आहे. त्यामुळे या तंत्रामुळे निदान या त्रासातून तरी शेतकऱ्यांची सुटका होण्यास मदत होईल. एअर पे कंपनीतर्फे आधार फिंगरप्रिंट ऑथेंटिकेशनच्या आधारे आपल्या प्रतिनिधी म्हणजेच व्यापाऱ्यांमार्फत पेमेंट केले जाते. पोस्टाच्या मनीऑर्डरप्रमाणे आपण येथील एअरपेच्या प्रतिनिधींकडे (व्यापाऱ्यांकडे) पैसे भरले की ते देशाच्या कानाकोपऱ्यात जेथे एअरपेचा प्रतिनिधी (व्यापारी) असेल तेथून आपले नातलग ते पैसे काढू शकतात. याच तत्त्वावर शेतकऱ्यांना त्यांच्या मालाचे पैसे त्वरेने देण्याची व्यवस्था केली जाईल. सध्या कंपनीने भोपाळ मिल्क फेडरेशनबरोबर यासंदर्भात करार केला असून ही पेमेंट यंत्रणा त्यांनी डिजिटल केली आहे. त्यामुळे तेथे दूध उत्पादकांना लगेच पैसे मिळतात. हा प्रकल्प महाराष्ट्रासह अन्य राज्यांमध्ये दुधाबाबत तसेच शेती उत्पादनात आणण्याबाबतही चर्चा सुरू असल्याचे टंडन म्हणाले.

..........

सरकारी सेवाही खुल्या
केंद्र सरकारच्या उमंग पोर्टलवरून पॅन, आधार, परीक्षांचे निकाल आदी विविध पाचशे सेवा सर्वसामान्यांना देणारी एअर पे ही पहिलीच फिनटेक कंपनी आहे. त्याचप्रमाणे अन्य काही राज्यांच्या पोर्टलवरूनही अशा सेवा प्रतिनिधींमार्फत मिळू शकतात. आम्ही त्या सेवा नि:शुल्क देतो; मात्र व्यापारी त्यासाठी काही शुल्क घेऊ शकतात असेही टंडन यांनी सांगितले.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com