मुरबाडमध्ये ‘आपला दवाखाना’चा शुभारंभ

मुरबाड, ता. २ (बातमीदार) ः महाराष्ट्र दिनाचे औचित्य साधून मुरबाडमध्ये हिंदुहृदयसम्राट बाळासाहेब ठाकरे ‘आपला दवाखाना’चा शुभारंभ करण्यात आला. मुरबाड शहरातील तोंडळीकर नगर येथे या दवाखान्याचे उद्‍घाटन ठाणे जिल्हा परिषदेचे माजी उपाध्यक्ष सुभाष पवार यांच्या हस्ते करण्यात आले. आपला दवाखानाच्या माध्यमातून मुरबाडच्या नागरिकांना उत्तम आरोग्य सेवा तत्परतेने मिळण्यास मदत होणार आहे. याप्रसंगी नगराध्यक्ष रामभाऊ दुधाळे, उपनगराध्यक्ष मानसी देसले, नगसेवक विनोद नार्वेकर, नगरसेविका स्नेहलता चंबावणे, जिल्हा आरोग्य अधिकारी गंगाधर परगे, किसन गिरा, शिवसेना शिंदे गट उपजिल्हाप्रमुख रामभाऊ दळवी, पंचायत समिती माजी सभापती अनिल देसले आदी मान्यवर उपस्थित होते.