कल्याण यार्डतील अनधिकृत बांधकामे जमीनदोस्त

कल्याण, ता. १ (बातमीदार) : कल्याण पूर्वमधील रेल्वेच्या यार्डातील अनधिकृत बांधकामे रेल्वे प्रशासनाकडून कडेकोट पोलिस बंदोबस्तात जमीनदोस्त करण्यात आली. या कारवाईमुळे कल्याण यार्डमधील प्रस्तावित शेड आणि रस्त्याचा मार्ग मोकळा झाला आहे.
मध्य रेल्वेच्या कल्याण स्टेशन आणि कल्याण यार्ड येथे प्रस्तावित शेडसाठी रस्त्याचे बांधकाम करण्यात येणार आहे, पण या कामात अनेक अतिक्रमणांचा अडथळा होता. त्यामुळे मध्य रेल्वेच्या मुंबई विभागाच्या अभियांत्रिकी विभागाने १५० रेल्वे सुरक्षा बल आणि रेल्वे पोलिस आणि स्थानिक पोलिस कर्मचाऱ्यांच्या कडेकोट बंदोबस्तात कारवाई करत १२० हून अधिक घरे जमीनदोस्त करण्यात आली. या कारवाईमुळे कल्याण पूर्वमध्ये कल्याण स्टेशन आणि कल्याण यार्ड येथे १२ मीटर मार्गासाठी आता प्रस्तावित शेडसाठी रस्त्याच्या बांधकामाचा मार्ग मोकळा झाला आहे.