पालघरमध्ये शिवराज्याभिषेक दिनानिमित्त शोभायात्रा

पालघर, ता. ६ (बातमीदार) : छत्रपती शिवाजी महाराजांच्या ३५० व्या शिवराज्याभिषेक दिनाच्या निमित्ताने पालघर शहरात उद्धव ठाकरे शिवसेनेतर्फे पालघरमध्ये शोभायात्रा व रायगडची प्रतिकृती उभारून शिवराज्याभिषेक गाथा कार्यक्रमाचे आयोजन करण्यात आले होते. पालघर शहरातून शोभायात्रा हुतात्मा चौकात येऊन रायगड व शिवराज्याभिषेक प्रतिकृती उभारलेल्या ठिकाणी ही शोभायात्रा समाप्त करण्यात आली. ढोलताशाच्या तालावर वाजतगाजत शेकडो शिवप्रेमी या शोभायात्रेत उत्साहाने सहभागी झाले होते.