खासगी बसची ‘बेस्ट’ला धडक

खासगी बसची ‘बेस्ट’ला धडक
चालक-वाहकासह तीन प्रवासी जखमी
मुंबई, ता. १८ ः चुनाभट्टीजवळील एवरार्ड नगरमध्ये आज सकाळी एका खासगी प्रवासी बसने बेस्टला दिलेल्या धडकेत चालक व वाहकासह तीन प्रवासी जखमी झाले. एका महिला प्रवाशावर उपचार सुरू आहेत.
आज सकाळी सात वाजता वांद्रे आगाराची सीबीडी बेलापूरकडे जाणारी बस एव्हरार्ड नगर परिसरात आली असता एका खासगी ट्रॅव्हलच्या लक्झरी बसची तिला मागून धडक लागली. अपघातात बेस्ट बसमधील तीन प्रवासी, चालक आणि वाहक जखमी झाले. सायन रुग्णालयात उपचार करून त्यांना सोडून देण्यात आले. महिला प्रवासी कविता कदम (६२) यांच्यावर उपचार सुरू असून त्यांची प्रकृती स्थिर आहे. अपघाताची नोंद चुनाभट्टी पोलिस ठाण्यात करण्यात आली आहे.