पालिकेच्या मैदानांवर जलकोंडी

पालिकेच्या मैदानांवर जलकोंडी

जुईनगर, ता. ७ (बातमीदार)ः आठ दिवसांपासून सर्वत्र मुसळधार पाऊस सुरु आहे. जुईनगर विभागात अनेक ठिकाणी पावसामुळे नागरिकांचे हाल होत आहे. अशातच पालिकेच्या मैदानांमध्येही पाणी साचल्यामुळे मुलांचा हिरमोड होत आहे.
शहरी भागामध्ये मुलांना खेळायला मैदानांशिवाय पर्याय नसतो. अशातच सध्या पावसाचा जोर असल्याने जुईनगरमधील सेक्टर २३ येथील पालिकेच्या मैदानात जास्त प्रमाणात पाणी साचले आहे. या मैदानात यापूर्वीच खड्डे पडलेले होते. त्यात आठवडी बाजार भरत असल्यामुळे संपूर्ण मैदानाची दुरवस्था झाली होती. त्यामुळे पावसाचा जोर वाढल्यामुळे या मैदानात पाणी साचलेले आहे. त्यामुळे खेळायला आलेल्या मुलांचा हिरमोड होत असून याकडे स्थानिक नेत्यांचे दुर्लक्ष होत आहे. त्यामुळे मैदानात चिखलाचे साम्राज्य असून लहान मुले मैदानात साचलेल्या पाण्याच्या डब्क्यांमध्ये खेळत असल्याने दुखापत होऊ शकते. त्यामुळे मैदानाच्या दुरवस्थेकडे प्रशासनाने लक्ष देण्याची मागणी होत आहे.
-------------------------------------------
मैदानांबाबत पालिका उदासीन
मैदानांमध्ये पाणी साचल्याने विविध आजाराला देखील आमंत्रण देत असल्याचे पाहायला मिळते, तसेच हे मैदान जुईनगर गावाच्या बाजूला असल्यामुळे या मैदानात अनेक वाहनचालक गाड्या पार्क करत असतात. त्यात आठवडी बाजार भरतो. त्यामुळे या मैदानाची पूर्णपणे दुरवस्था झालेली आहे. अशातच मुलांना खेळण्यासाठी मैदाने बोटावर मोजण्याइतकीच असल्याने मुलांची गैरसोय होत आहे.
---------------------------------------
मैदानामध्ये गाड्या पार्किंग, आठवडी बाजारावर कडक कारवाई केली तर मैदान चांगले राहील. मुलांना खेळण्यासाठी हे मैदान असून त्याकडे पालिकेकडून दुर्लक्ष केले जात आहे.
- अमर शेंडकर, नागरिक
-------------------------------------
नवीन खेळाडू घडवण्यासाठी मैदाने वाचवणे गरजेचे आहे. पालिकेच्या दुर्लक्षामुळेच पावसाळ्यात मैदानाची दुरवस्था झालेली आहे. नाहीतर भविष्यात मैदाने खेळण्याजोगे राहणार नाहीत.
- रमा कुऱ्हाडे, पालक

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com