किन्हवली आरोग्य केंद्रात सिकल सेल अ‍ॅनिमिया निर्मूलन अभियान

किन्हवली आरोग्य केंद्रात सिकल सेल अ‍ॅनिमिया निर्मूलन अभियान

किन्हवली, ता. ६ (बातमीदार) : किन्हवली प्राथमिक आरोग्य केंद्र व त्याअंतर्गत असलेल्या पाच उपकेंद्रांत राष्ट्रीय सिकल सेल अ‍ॅनिमिया अभियानात शेकडो नागरिकांच्या तपासण्या करण्यात आल्या. सिकल सेल अ‍ॅनिमिया या रोगाचे २०४७ पर्यंत देशातून समूळ उच्चाटन व्हावे यासाठी २०२३ च्या अर्थसंकल्पात अर्थमंत्री निर्मला सीतारामन यांनी घोषणा केली होती. त्यानुसार देशभर हे अभियान राबवण्यात येत आहे. किन्हवली प्राथमिक आरोग्य केंद्र व त्याअंतर्गत असलेल्या मुगाव, अल्याणी, खरीवली, नांदगाव, अस्नोली या पाचही उपकेंद्रांत सिकल सेल अ‍ॅनिमिया निर्मूलन अभियान राबवण्यात आले. या वेळी ५९७ नागरिकांच्या तपासण्या केल्या. यात १ पॉझिटिव्ह रुग्ण सापडल्याची माहिती आरोग्य पर्यवेक्षक लीलाधर धिंधले यांनी दिली. किन्हवली प्राथमिक आरोग्य केंद्रातील वैद्यकीय अधिकारी डॉ. जागृती खादे, डॉ. नितीन नेटके, प्रयोगशाळा तंत्रज्ञ सुमेधा पातकर, आरोग्य सेवक रतन नागरे, डेटा ऑपरेटर कोमल विशे, सर्व आशा कर्मचारी, आरोग्यसेविकांनी अभियान यशस्वीरीत्या राबवले.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com