नेरूळ चौकात गतिरोधक बसवण्याची मागणी

नेरूळ, ता.१० (बातमीदार) : नेरुळ सेक्टर- ६ झुलेलाल मंदिर व चंदन स्वीट समोरील चौकातील रस्त्यांवर, व ग्रेट ईस्टर्न गॅलेरिया समोरील दोनही बाजुच्या मार्गावर गतिरोधक नसल्याने याठिकाणी छोटे- मोठे अपघात घडत आहेत. या मार्ग हा रहिवाशांची वर्दळ कायमत असते. या चौकातून शाळकरी मुले, जेष्ठ नागरीक व पादचारी रस्‍ता ओंलाडत असतात. परंतु याठिकाणी चौकात गतिरोधक नसल्याने वाहनांचा वेग कायम असतो. त्यामुळे येथे मोठा अपघात होण्याची शक्यता वर्तविली जात आहे. त्यामुळे याठिकाणी या चौकात गतिरोधक बसवण्याची मागणी स्थानिक करत आहेत. दुसरीकडे सेक्टर-६ पेट्रोल पंपासमोरील पामबीच सर्विसमार्ग ते ज्वेल ऑफ नवी मुंबई सिग्नल पर्यंतचा मार्ग एकाबाजुने सायकलस्वरासाठी पालिकेचने राखीव ठेवला असुनही या मार्गावर वाहन लावली जात आहे. याठिकाणीही पालिकेने नो पार्कींगचे फलक लावण्याची मागणी स्थानिक रहिवाशांनी केली आहे. या दोन्ही मार्गावर पालिकेच्यावतीने गतिरोधक व नो पार्कींगचे फलक बसवून सहकार्य करण्याची मागणी विनायक पिंगळे यांनी केली आहे.