लायन्स क्लब अध्यक्षपदी सुस्मिता शिट्यालकरांची निवड

रोहा, ता. १० (बातमीदार) ः लायन्स क्लब रोह्याचा पदग्रहण सोहळा मावळते अध्यक्ष अब्बास रोहावाला यांच्या अध्यक्षतेखाली धाटाव येथील आर. आय. आर. सी. सभागृहात नुकताच पार पडला. यामध्ये सर्वानुमते सुस्मिता शिट्यालकर यांची अध्यक्षपदी निवड करण्यात आली. नूतन कार्यकारिणीला जिल्हा उपप्रांतपाल एन. आर. परमेश्वरम यांनी या वेळी पदाची शपथ दिली. याप्रसंगी नवोदित सभासदांना डिस्ट्रिक्ट कोऑर्डिनेटर प्रवीण सरनाईक यांनी सभासदत्व बहाल करीत शपथ दिली. या वेळी बोर्ड ऑफ डायरेक्टर, खजिनदार, सेक्रेटरी तसेच नवीन अध्यक्षांची नियुक्ती करण्यात आली. नवे अध्यक्षा शिट्यालकर यांनी आगामी काळात सेवा के सात रंग, नारी शक्ती के संग हे उद्दिष्ट ठेवत सामाजिक बांधिलकीचे जतन करत विविध उपक्रम राबवले जाणार असल्याचे सांगत नारीशक्ती म्हणून रोहा लायन्स क्लबसाठी अधिक जोमाने काम केले पाहिजे असे आवाहन केले. निवड करण्यात आलेल्या नूतन कार्यकारिणीमध्ये उपाध्यक्ष भाऊ माने, लक्ष्मण शिट्यालकर, सेक्रेटरी रशिदा रोहावाला, सहसेक्रेटरी- डॉ. कृष्णा जराग, खजिनदार वर्षा सातपुते, सहखजिनदार प्रमोद जैन, पराग फुकणे, बोर्ड ऑफ डायरेक्टर नुरुद्दिन रोहावाला, रवींद्र घरत, प्रदीप दामानी, प्रद्युत कुलकर्णी, हेमंत गांगल, नीतेश कटारिया, डॉ. तुषार राजपूत, डॉ. रूपेश पाटील, इलियास डबीर, तौसिफ येरुणकर यांना पदाची शपथ दिली गेली.