अर्जिया सय्यदचे सीए व्हायचे स्वप्न पूर्ण

रोहा, ता. ९ (बातमीदार) ः येथील अर्जिया सय्यदने अवघड समजली जाणारी सीएची परीक्षा पास केली आहे. तालुक्यातील आंबेवाडी-कोलाड नाका येथे वास्तव्यास असणारी अर्जिया हिने शालेय जीवनापासून अनेक परीक्षांमध्ये यश संपादन केले आहे. शालेय उपक्रम, स्पर्धा यामध्ये ती नेहमीच आघाडीवर होती. तिने शालेय व कॉलेजचे शिक्षण द. ग. तटकरे माध्यमिक विद्यालय व ज्युनिअर कॉलेज कोलाड येथे पूर्ण केले. त्यानंतर पुणे येथे बीकॉम व एलएलबीचे शिक्षण घेऊन पुढे सीएची परीक्षा दिली. या परीक्षेमध्ये चांगल्या मार्कांनी ती पास झाली.