तेनझींग नॉर्गे राष्ट्रीय पुरस्कारासाठी नामांकने सादर करा

पालघर, ता. ११ (बातमीदार) : खेल मंत्रालयाकडून दरवर्षी साहसी पुरस्कारांतर्गत तेनझिंग नॉर्गे राष्ट्रीय पुरस्कार प्रदान करण्यात येतो. या पुरस्कारासाठी १४ जुलैपर्यंत नामांकने मागवण्यात आलेली आहेत. या पुरस्काराची केंद्र शासनाद्वारे प्राप्त सर्वंकष माहिती सोबत जोडली आहे.
तेनझिंग नॉर्गे पुरस्कारासाठी नामांकने सादर करण्यासाठी https://awards.gov.in या पोर्टलवर भेट देऊन ऑनलाईन अर्ज करावा. या पुरस्कारासाठी नामांकन करणाऱ्या खेळाडूंची कामगिरी मागील तीन वर्षांमधील असणे आवश्यक आहे. पुरस्कारासाठी आवश्यक असणारी कामगिरी म्हणजेच साहसी उपक्रम जमीन, हवा किंवा पाणी या ठिकाणी केलेली असणे आवश्यक आहे. राज्यातील सर्व साहसी उपक्रम करणाऱ्या खेळाडू, नागरिकांना केंद्र शासनाच्या वरील पोर्टलवर भेट देऊन तेनझिंग नॉर्गे पुरस्कारासाठी ऑनलाईन अर्ज करता येईल. ऑनलाईन अर्जासोबत आवश्यक असणारे क्रीडा विभागाचे शिफारसपत्र प्राप्त करून घेण्यासाठी अर्जदारांनी त्यांचा अर्ज आवश्यक त्या कागदपत्रांसह क्रीडा विभागाच्या desk१o.dsys-mh@gov.in या ई-मेल आयडीवर किंवा संबंधित जिल्ह्याच्या जिल्हा क्रीडा अधिकारी कार्यालयात १२ जुलैपर्यंत अर्ज करण्याचे आवाहन करण्यात आले आहे.