शालांत परीक्षेमध्ये शंभर टक्‍के निकाल लागलेल्‍या शाळांचा गौरव

मुलुंड, ता. ११ (बातमीदार) ः मुलुंड येथील दहावीमध्ये शंभर टक्‍के गुण मिळवणाऱ्या शाळांचा मुलुंड सिटिझन चॅरिटेबल व आर. आर. एज्युकेशनल ट्रस्ट या संस्थेतर्फे गौरव करण्यात आला. या वेळी मुख्याध्यापकांना स्मृतिचिन्‍ह व प्रमाणपत्र देऊन सत्‍कार करण्यात आला; तर भारताच्या अमृत महोत्सवानिमित्त आंतरशालेय सांस्कृतिक, लोकनृत्य आणि लोकसंगीत कार्यक्रमाचे आयोजन करण्यात आले आहे. ज्या मुलांचे अथवा गटांचे नृत्य, वेशभूषा, थीम चांगली असेल, अशा विजेत्यांना प्रथम, द्वितीय व तृतीय तसेच गटांना ट्रॉफी व प्रमाणपत्र देऊन ज्युरीकडून गौरविण्यात येणार आहे. या कार्यक्रमाचे आयोजन आर. आर. एज्‍युकेशनल ट्रस्टचे अध्यक्ष डॉ. आर. आर. सिंग यांच्या मार्गदर्शनाखाली रविवार ६ ऑगस्‍ट रोजी दुपारी ४ ते ८ या दरम्यान संस्थेच्या आर. आर. सभागृह, आर. आर. एज्युकेशनल ट्रस्ट मार्ग, म्हाडा, मुलुंड (पूर्व) मुंबई येथे करण्यात आले आहे.