अपघात पिकअप चालकासह ८०० कोंबड्या मृत्युमुखी

मुरबाड, ता. ११ (बातमीदार) : दोन गाड्यांची समोरासमोर धडक बसून झालेल्या अपघातात चालकासह ८०० कोंबड्यांचा जागीच मृत्यू झाल्याची घटना घडली आहे. मंगळवारी पहाटे पाच वाजण्याच्या सुमारास मुरबाड-माळशेज घाट महामार्गावरील आंबेळे (गडगे) गावाजवळ हा अपघात घडला. मंगळवारी पहाटे मुरबाड-माळशेज घाट रस्त्यावर कोंबड्यांनी भरलेला बोलेरो टेम्पो बदलापूरकडे जात होता; तर दुसरी गाडी याच रस्त्यावरून नगरकडे निघाली होती. त्याच वेळी पहाटे पाच वाजता या दोन्ही गाड्यांची एकमेकांना जोरदार धडक झाली. यामध्ये पिकअप गाडीचा चालक प्रकाश बबन डुकरे (रा. बेल्हे, जिल्हा पुणे) याचा जागीच मृत्यू झाला; तर बोलेरो टेम्पोमधील जवळपास ८०० कोंबड्याही ठार झाल्या.