म्हाडाच्या घरांसाठी दीड लाख अर्ज

मुंबई, ता. ११ : म्हाडाच्या मुंबई मंडळातर्फे जाहीर करण्यात आलेल्या ४०८२ घरांच्या विक्रीसाठी संगणकीय सोडतीत एक लाख ४५ हजार ८४९ अर्ज संगणकीय सोडत प्रणालीमध्ये प्राप्त झाले आहेत. त्यांपैकी एक लाख १९ हजार २७८ अर्जदारांनी अनामत रकमेचा भरणा करून सोडत प्रक्रियेतील सहभाग निश्चित केला आहे.

घरांसाठीचे अर्ज भरण्याची मुदत मंगळवारी (ता. ११) संध्याकाळी सहा वाजता संपली. अर्जदारांना अनामत रकमेचा ऑनलाईन भरणा रात्री ११.५९ पर्यंत करण्याची मुभा होती. आरटीजीएस आणि एनईएफटीद्वारे अनामत रकमेचा भरणा अर्जदार १२ जुलै रोजी संबंधित बँकेच्या कार्यालयीन वेळेपर्यंत करू शकतील. वांद्रे पश्चिमेतील रंगशारदा नाट्यगृहात सोडत काढण्यात येणार असून त्याची तारीख व वेळ लवकरच जाहीर करण्यात येणार आहे.

उत्पन्नगटनिहाय आलेले अर्ज
उत्पन्न गट सदनिका अर्ज
अत्यल्प उत्पन्न गट ८४३ ३५,२३१
अल्प उत्पन्न गट १०३४ ७३,४१४
मध्यम उत्पन्न गट १३८ १०,५००
उच्च उत्पन्न गट १२० २,९२८
पीएमवाय १९४७ २३,७७६