ज्येष्ठ महिलेला दिलासा

ज्येष्ठ महिलेला दिलासा

हर्नियाग्रस्त वृद्धेवर यशस्‍वी उपचार
सकाळ वृत्तसेवा
मुंबई, ता. १८ : जन्मतः नाभीच्या हर्नियाने ग्रस्त ७५ वर्षीय महिलेची असह्य वेदनेतून सुटका झाली आहे. झायनोवा शाल्बी रुग्णालयातील डॉक्टरांनी तिच्यावर उपचार केले. वेदना आणि अपचनाची तक्रार असणाऱ्या या महिलेवर हर्निओप्लास्टीद्वारे उपचार केले गेले. जनरल सर्जन डॉ. हेमंत पटेल यांच्या टीमने हे उपचार केले आहेत.
इंदुमती पुजारी यांना जन्मजात नाभीचा हर्निया होता. तसेच मधुमेह आणि उच्च रक्तदाबाचा आजार होता आणि गेली २० वर्षांपासून त्यावर औषधोपचार सुरू होते. त्‍यांनी अनेक डॉक्टरांचा सल्ला घेतला; पण प्रकृतीत सुधारणा होत नव्हती.
जनरल सर्जन डॉ. हेमंत पटेल म्हणाले की, महिलेला जन्मापासूनच पोटात वेदना होत होती; पण हर्नियाचे निदान झाले नव्हते. स्थानिक डॉक्टरांकडून उपचार घेतल्यानंतर दुखणे कमी व्हायचे; पण त्यानंतर पुन्हा त्रास जाणवायचा. वैद्यकीय तपासणी केल्यानंतर असे आढळून आले की, रुग्णाला नाभीसंबधीत हर्निया असून तो सुमारे ३० सेमी बाय २० सेमी बाय १५ सेमी लांबीचा आणि अतिशय दुर्मिळ आहे. शस्त्रक्रियेनंतर रुग्णाला इंट्रा ॲबडोमिनल कंपार्टमेंट सिंड्रोमचा धोका उद्भवू शकतो. शस्त्रक्रिया ही गंभीर गुंतागुंतीची असल्याने रुग्ण व कुटुंबीयांचे समुपदेशन केल्यानंतर रुग्णावर हर्नियाप्लास्टी करण्यात आली जी सुमारे ३ तास चालली होती. कोणतीही गुंतागुंत न होता ही प्रक्रिया यशस्वीरीत्या पार पडली.

काय आहे हा हर्निया?
नाभीसंबधीचा हर्निया हा बेंबीच्या भागात एक फुगवटा किंवा सूज असल्यासारखा दिसून येतो आणि तो जन्मतःच आढळून येतो. जन्मतः कमी वजन आणि अकाली जन्मलेल्या बाळांमध्ये हा नाभीसंबंधीत हर्निया दिसून येतो.

जन्मतः मला हर्निया असल्यामुळे माझ्या नाभीचे क्षेत्र सर्वसामान्यांपेक्षा मोठे दिसू लागले होते. मी यावर वैद्यकीय मदत घेतली नाही. डॉक्टरांनी माझ्या स्थितीचे अचूक निदान केले आणि योग्य उपचार केले. मी आता तणावमुक्त आयुष्य जगत आहे. माझ्या जीवनाचा दर्जा लक्षणीयरीत्या सुधारला आहे.
- इंदुमती पुजारी, रुग्ण

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com