ठाणे नगर पोलिसांकडून मुद्देमाल हस्तगत

ठाणे नगर पोलिसांकडून मुद्देमाल हस्तगत

ठाणे, ता. २६ (बातमीदार) : विविध गुन्ह्यांत चोरट्यांनी किंवा गहाळ झालेल्या सोन्याचा मुद्देमाल ठाणे नगर पोलिसांनी हस्तगत केला आहे. तो मुद्देमाल तक्रारदारांना परत करण्यात येत आहे. यासाठी तक्रारदारांनी ठाणे नगर पोलिसांशी संपर्क साधावा, तसेच आपला ऐवज घेऊन जावे, असे आवाहन ठाणे नगर पोलिस ठाण्याचे वरिष्ठ पोलिस निरीक्षक विजयकुमार देशमुख यांनी केले आहे.

ठाणे नगर पोलिस ठाण्यात दाखल असलेल्या गुन्ह्यातील किमती मुद्देमाल जप्त करण्यात आला आहे. ५ सोन्याची लगड, एक कोल्हापुरी साज, २ चांदीच्या अंगठ्या, ३ सोन्याच्या अंगठ्या (११ ग्रॅम) असा मुद्देमाल हस्तगत केला आहे. अनेक महिन्यांपासून सदरचा मुद्देमाल हा पोलिस ठाण्यात जमा आहे. फिर्यादींनी दिलेल्या पत्त्यावर पोलिसांनी चौकशी केली. मात्र फिर्यादीने तक्रारीत नमूद केलेल्या पत्त्यावर प्रत्यक्षात कोणी आढळून आले नाहीत. या किमती मुद्देमालाची निर्गती करणे गरजेचे असल्याने फिर्यादींनी तक्रारीची प्रत, आधार कार्ड या कागदपत्रांसह तातडीने पोलिस ठाण्याशी संपर्क साधावा, अन्यथा हा मुद्देमाल सरकारजमा करण्यात येईल, अशी माहिती वरिष्ठ पोलिस निरीक्षक देशमुख यांनी दिली.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com