भारतीय स्वातंत्र्यलढ्यात सर्वच जाती समुदायांचा सहभाग

भारतीय स्वातंत्र्यलढ्यात सर्वच जाती समुदायांचा सहभाग

Published on

विरार, ता. २५ (बातमीदार) : स्वातंत्र्यलढ्यात केवळ कोणत्याही एका जाती अथवा समुदायाने संघर्ष केलेला नाही. भारतातील सर्वच जाती-समुदायांचा भारतीय स्वातंत्र्यलढ्यात सहभाग आहे. विशेषतः किमान ५० आदिवासी नेत्यांनी स्वातंत्र्यलढ्यात आपले योगदान दिले आहे; पण आपल्याला केवळ एक-दोन नावांव्यतिरिक्त इतर नेत्यांबद्दल काहीही माहित नसते, ही शोकांतिका आहे. अशा अल्पपरिचित आणि अपरिचित स्वातंत्र्यसंग्रामातील नायकांची माहिती शोधणे हे अतिशय महत्त्वाचे काम आहे आणि ती आपल्या पिढीची जबाबदारी असल्याचे प्रतिपादन मुंबई विद्यापीठातील समाजशास्त्र विभागातील सहयोगी प्राध्यापक डॉ. रिटा मालचे यांनी वसईत केले. त्या आज वसई येथील अण्णासाहेब वर्तक महाविद्यालयात ''जनजाती नायकों का स्वतंत्रता संग्राम मे योगदान'' या विषयावर बोलत होत्या.
''आजादी का अमृत महोत्सव'' या उपक्रमांतर्गत मुंबई विद्यापीठ आणि अण्णासाहेब वर्तक महाविद्यालय यांनी संयुक्तरीत्या आयोजित केलेल्या एकदिवसीय कार्यशाळेत प्रमुख वक्त्या म्हणून डॉ. मालचे बोलत होत्या. या कार्यशाळेचे उद्घाटन करताना महाविद्यालयाचे प्राचार्य डॉ. अरविंद उबाळे यांनी मोठ्या संख्येने असलेल्या उपस्थित विद्यार्थ्यांचे अभिनंदन केले. तसेच अशा प्रकारच्या उपक्रमांचे महत्त्व अधोरेखित केले. मानव्य शाखेतील विद्यार्थ्यांना उपलब्ध असणाऱ्या विविध करिअर संधी आणि तळागाळातील समुदायातून आलेल्या जननायकांच्या इतिहासाचे महत्त्व या विषयावर त्यांनी विद्यार्थ्यांना मार्गदर्शन केले.

महाविद्यालयातील इतिहास राज्यशास्त्र आणि हिंदी विभाग यांनी संयुक्तरीत्या या कार्यक्रमाचे आयोजन केले होते. कार्यशाळेच्या उद्घाटनाचे सूत्रसंचालन प्राजक्ता पाटील यांनी केले तर पाहुण्यांचा परिचय प्रा लतिका पाटील यांनी केला तर प्रा वैखरी नवेले यांनी आभार प्रदर्शन केले.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com