उरण तालुक्याला पुराची झळ

उरण तालुक्याला पुराची झळ

उरण, ता. २६ ः रायगड जिल्ह्यात अतिवृष्टीमुळे अनेक तालुक्यांतील जनजीवन विस्कळित झाले आहे. उरणमध्येही पावसामुळे पूरजन्य परिस्थिती निर्माण झाली होती. अनेक घरांमध्ये पाणी शिरल्याने वित्तहानी झाली आहे. त्यामुळे उरण तालुक्यातील पूरपरिस्थितीचे पंचनामे उरण तहसील कार्यालयामार्फत करण्यात येत असून ३० गावांतील ३,५०० घरांचे पंचनामे करण्यात आले आहेत.
चिरनेर गावातील ८०० पेक्षा अधिक कुटुंबांना पुराचा सर्वाधिक फटका बसला आहे. मुसळधार पावसामुळे उरण तालुक्यात मोठी पूरस्थिती निर्माण झाली होती. कित्येक लोकांच्या घरामध्ये पाणी शिरल्याने किमती वस्तू, तसेच अन्नधान्याचे मोठे नुकसान झाले आहे. अनेकांचे संसार उघड्यावर पडले असल्यामुळे पुरामध्ये नुकसान झालेल्या घरांचे पंचनामे तहसील कार्यालयाच्या अंतर्गत करण्यात आले आहेत. तालुक्यातील ३० पूरग्रस्त गावांतील ३,५०० बाधित घरांचे पंचनामे करण्यात आले आहेत. यामध्ये सारडे, पिरकोन, वशेणी, पुनाडे, पानदिवे, कडापे, आवरे गोवठणे, पाले, खोपटा, कोप्रोली, कळंबुसरे, चिरनेर, भोम, मोठी जुई, कंठवली, वेश्वी, दिघोडे यांचा समावेश आहे.
---------------------------------------------
उरण तालुक्यात अतिवृष्टीमुळे नुकसान झालेल्या ३० गावांतील साडेतीन हजार घरांचे पंचनामे करण्यात आले आहेत. लवकरच बाधितांना प्रशासनाकडून मदत दिली जाणार आहे.
-उद्धव कदम, तहसीलदार, उरण

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com