कुरारमध्ये बौद्ध महासभेचे चिंतन शिबीर संपन्न

कुरारमध्ये बौद्ध महासभेचे चिंतन शिबीर
मालाड, ता. ७ (बातमीदार) ः भारतीय बौद्ध महासभेचे चिंतन शिबीर कुरार व्हिलेज भीमनगर २ येथील धम्मगिरी बुद्ध विहारात ६ ऑगस्‍ट रोजी पार पडले. या वेळी महासभेचे मुंबई प्रदेश सरचिटणीस रवींद्र गवई मार्गदर्शक होते. झोन ४ चे अध्यक्ष प्रमोद पगारे यांचीही या वेळी उपस्थिती होती; तर कार्यक्रमाचे अध्यक्ष बौद्धाचार्य मारुती ओव्हाळ होते. अतिष जावळे यांनी सूत्रसंचालन केले. या चिंतन शिबिराला झोन ४ अंतर्गत भीमनगर, मालाड शाखा, क्रांती नगर कांदिवली शाखा, दामू नगर कांदिवली शाखा, शैलेंद्र नगर दहिसर शाखा येथील प्रमुख कार्यकर्त्या, कार्यकर्ते उपस्थित होते. या वेळी बौद्ध सभासद अभियान राबवण्यात आले. चिंतन शिबिरात डॉ. बाबासाहेब आंबेडकर यांची धम्म क्रांती गतिमान कशी करावी याबाबत मार्गदर्शन करण्यात आले. या वेळी भीमनगरमध्ये होत असलेल्या वर्षावास कार्यक्रमाचे उद्‍घाटन प्रमुख मार्गदर्शक रवींद्र गवई यांच्या हस्ते करण्यात आले.