रुपयाचा पाय आणखी खोलात

मुंबई : रुपयाने शुक्रवारी एक पैशांची घसरण नोंदवून अमेरिकी डॉलरसमोर ८३.१० हा नवा सार्वकालिक नीचांक नोंदवला. देशांतर्गत शेअर बाजारातील नकारात्मकता आणि परदेशी गुंतवणूकदारांचे पलायन यामुळे रुपयाचा पाय दिवसेंदिवस आणखी खोलात जात आहे. डॉलरची मजबुती आणि जागतिक बाजारात जोखीम न घेण्याची मानसिकता यामुळे रुपयामधील नकारात्मक कल कायम राहण्याचा अंदाज चलन बाजारातील तज्ज्ञांनी वर्तवला आहे. आंतरराष्‍ट्रीय चलन बाजारात डॉलरच्या तुलनेत रुपया ८३.०३ वर खुला झाला. दिवसभरात ८३.०२ ते ८३.१३ या पट्ट्यात व्‍यवहार केल्यानंतर दिवसअखेर रुपया ८३.१० वर बंद झाला. गुरुवारी रुपया डॉलरच्या तुलनेत एक पैशाच्या घसरणीसह ८३.०९ वर बंद झाला होता.