थकबाकी माफी अभय योजनेबाबत कार्यशाळा

मुंबई, ता. २१ : महाराष्ट्र सरकारच्या ‘अभय योजना-२०२३’चा करदात्यांना लाभ घेता यावा यासाठी मुंबईतील ‘आयसीएआय’च्या सहकार्याने कार्यशाळा आयोजित करण्यात आली आहे. २३ ऑगस्ट २०२३ रोजी सकाळी १०.३० ते १.३० या वेळेत मूल्यवर्धित कर व संलग्न कायद्यांतर्गत थकबाकीदार करदात्यांकरिता वांद्रे पूर्वेतील ‘डब्ल्यूआयआरसी-आयसीएआय’ सभागृहात ही कार्यशाळा होणार आहे. या वेळी अनुभवी सनदी लेखाधिकारी व जीएसटी विभागातील राज्य कर सहआयुक्त उपस्थित राहणार असून उपस्थित व्यापाऱ्यांच्या प्रश्नांना व त्यांच्या कायदेविषयक अडचणी सोडवण्यासाठी मार्गदर्शन करणार आहे. या कार्यक्रमास जीएसटी विभागाचे विशेष आयुक्त नितीन पाटील, जीएसटी विभागाचे अप्पर राज्य कर आयुक्त अजित चाहुरे आणि वरिष्ठ अधिकारी उपस्थित राहणार आहेत.