दिवाळी निमित्ताने गरजू महिलांना साडी वाटप

दिवाळी निमित्ताने गरजू महिलांना साडीवाटप
कांदिवली, ता. १२ (बातमीदार) ः कांदिवली पश्चिम येथील एकतानगरमध्ये दिवाळीनिमित्ताने विलास विश्राम दळवी प्रतिष्ठानच्या वतीने ‘दिवाळी संध्या’ गीतांचा कार्यक्रम आयोजित करण्यात आला होता. सदर कार्यक्रमात ३०० गरजू निराधार महिलांना विभागप्रमुख अजित भंडारी, मनाली चौकीदार आणि विधानसभा संघटक राजन निकम यांच्या हस्ते साडी आणि मिठाईवाटप करण्यात आले. या वेळी उपस्थितांनी टाळ्यांच्या प्रतिसाद देत मनसोक्त आनंद लुटला. माजी शाखाप्रमुख अभिषेक दळवी आणि सविता देसाई हे विलास विश्राम दळवी प्रतिष्ठानच्या माध्यमातून अनेक सामाजिक उपक्रम राबवीत असतात.