डोंबिवलीत धन्वंतरी व्याख्यानमाला

सकाळ वृत्तसेवा
डोंबिवली, ता. २८ : श्री गणेश मंदिर संस्थान, डोंबिवली आणि शतक महोत्सवी समिती यांच्यावतीने धन्वंतरी या तीन दिवसीय व्याख्यानमालेचे आयोजन करण्यात आले आहे. श्री गणेश मंदिर संस्थान सभा मंडपात गुरुवारी ३० नोव्हेंबरला सकाळी ७ वाजता धन्वंतरी याग होणार आहे. त्यानंतर तीन दिवसीय धन्वंतरी व्याख्यानमाला पार पडणार आहे. पहिल्या पुष्पात १ डिसेंबरला ‘हृदयरोगावर मात’ या विषयावर डॉ. विवेक महाजन आणि वैद्य महेश ठाकूर हे मार्गदर्शन करणार आहेत. दुसऱ्या पुष्पात २ डिसेंबरला ‘मनाचिये डोही आरोग्य तरंग’ या विषयावर डॉ. अद्वैत पाध्ये आणि वैद्य आशुतोष यार्दी हे मार्गदर्शन करणार आहेत. तसेच तिसऱ्या पुष्पात ३ डिसेंबरला संघर्ष कॅन्सरशी या विषयावर डॉ. अनिल हेरुर व वैद्य ऊर्मिला पिटकर या मार्गदर्शन करणार आहेत. या व्याख्यानमाला दररोज सायंकाळी ७ वाजता वक्रतुंड सभागृह, ३०१, श्री गणेश मंदिर संस्थान, डोंबिवली पूर्व येथे होणार आहेत.