विज्ञान प्रदर्शन

नवी मुंबई, ता. १२ : घणसोली येथील टिळक ग्लोबल स्कूलमध्ये नुकतेच विज्ञान प्रदर्शन आयोजित करण्यात आले होते. या वेळी विद्यार्थ्यांनी प्रदर्शनात ऋतू, सण-उत्सव, आरोग्यदायी अन्न, प्रदूषण, पुनर्वापर, मानवी अवयव, आजार, रोबोटिक्स यंत्रणा आदी विज्ञानविषयक विषयांवर प्रतिकृती व पोस्टर सादर केले होते. प्रदर्शनासाठी प्रमुख पाहुणे म्हणून हार्ट फाऊंडेशनचे संस्थापक अध्यक्ष डॉ. जयकर एलिस उपस्थित होते. शालेय विज्ञान प्रदर्शने विद्यार्थ्यांसाठी त्यांचे वैज्ञानिक ज्ञान आणि सर्जनशीलता प्रदर्शित करण्यासाठी एक उत्कृष्ट व्यासपीठ आहे. ही प्रदर्शने विद्यार्थ्यांना त्यांच्या नावीन्यपूर्ण कल्पना आणि शोध लोकांसमोर मांडण्यासाठी एक व्यासपीठ म्हणून काम करतात. तंत्रज्ञानामुळे सर्व गोष्टी अधिक कार्यक्षम बनवल्या आहेत. विज्ञान क्षेत्रात संशोधनाच्या व रोजगाराच्या संधी अमर्याद असल्याचे डॉ. एलिस यांनी सांगितले. परीक्षकांनी व मुख्याध्यापकांनी विद्यार्थ्यांच्या प्रतिकृतींचे व पोस्टरचे परिक्षण करून त्यांचे कौतुक केले. या वेळी टिळक समूहाच्या शाळा आणि महाविद्यालयांचे संचालक डॉ. अरुण जनार्दन, प्राचार्या अँजेला आल्मेडा यांच्यासह सर्व शिक्षक, शिक्षकेतर कर्मचारी उपस्थित होते.