Railway Accident: हेडफोन बेतला जीवावर; एक्स्प्रेसच्या धडकेत तरुणाचा मृत्यू

रोहा, ता. १० (बातमीदार) : कानात हेडफोन घालून रेल्वे ट्रॅकवरून चालत जाणाऱ्या तरुणाला नेत्रावती एक्स्प्रेसने जोरदार धडक दिल्याची घटना सोमवारी घडली. या धडकेत २३ वर्षीय तरुणाचा जागीच मृत्यू झाला. जयराम कृष्ण वाघमारे, रा. मेढे-रेवोली आदिवासीवाडी असे मृत तरुणाचे नाव आहे.

जयराम सोमवारी दुपारी साडेबारा वाजण्याच्या सुमारास कानात हेडफोन घालून रेल्वे ट्रॅकवरून चालत जात होता. या वेळी पनवेलहून रोह्याच्या दिशेने येणाऱ्या नेत्रावती एक्स्प्रेसने त्याला धडक दिली. या अपघातात त्याचा जागीच मृत्यू झाला. या घटनेनंतर रेल्वे पोलिस व रोहा पोलिसांनी घटनास्थळी धाव घेत मृतदेह ताब्यात घेतला.