Chhagan Bhujbal: भुजबळांना कोर्टाचा दिलासा; वॉरंट केले रद्द

Chhagan Bhujbal: भ्रष्टाचाराच्या प्रकरणात न्यायालयात गैरहजर राहिल्याबद्दल मंत्री छगन भुजबळ यांच्याविरोधात गेल्या महिन्यात जारी करण्यात आलेले वॉरंट विशेष न्यायालयाने रद्द केले आहे. त्यामुळे छगन भुजबळ यांना दिलासा मिळाला आहे.

छगन भुजबळ सार्वजनिक बांधकाममंत्री असताना महाराष्ट्र सदन येथील जमीन खरेदी-विक्री आदी कामांचे कंत्राट देताना त्यात घोटाळा झाल्याचा आरोप तपास यंत्रणांनी केला आहे. याप्रकरणी लाचलुचपत प्रतिबंधक विभागाने तीन वेगवेगळ्या प्रकरणांमध्ये भुजबळांसह इतर आरोपींविरोधात गुन्हा दाखल केला होता.

सत्र न्यायालयात आरोपींच्या दोषमुक्ततेवर सुनावणी सुरू आहे. विशेष न्यायालयात छगन भुजबळ स्वतः हजर राहिले. त्यामुळे न्यायालयाने त्यांच्याविरोधात जारी केलेले अजामीनपात्र वॉरंट रद्द केले आहे.