Crime News: अल्पवयीन मुलीवर पेल्हारमध्ये अत्याचार; पोलिसांनी ५ तासांत आरोपीच्या आवळल्या मुसक्या

Bolinj News: नालासोपारा परिसरात तेरावर्षीय मुलीवर अत्याचार झाल्याची घटना घडली आहे. पीडित मुलीच्या आईच्या तक्रारीनंतर याप्रकरणी पेल्हार पोलिस ठाण्यात गुन्हा नोंदवण्यात आला आहे.

वसई तालुक्यातील पेल्हार परिसरात १३ वर्षीय मुलीवर मंगळवारी रात्री अत्याचाराची घटना घडली. याप्रकरणी पीडित मुलीच्या आईने तक्रार केल्यानंतर पेल्हार पोलिस ठाण्यात गुन्हा नोंदवण्यात आला होता. घटनेचे गांभीर्य लक्षात घेऊन पोलिसांनी पाच तासांत आरोपीला ताब्यात घेतले आहे. तसेच न्यायालयाने त्याला ११ मार्चपर्यंत पोलिस कोठडी सुनावली आहे.