दिव्यांगांसाठी मतदान कार्यशाळा

दिव्यांगांसाठी मतदान कार्यशाळा
चेंबूर, ता. १० (बातमीदार) ः दिव्यांगांना शंभर टक्के मतदान करता यावे यासाठी तहसीलदार कार्यालयाच्या वतीने विक्रोळीतील महापालिकेच्या शाळेत मतदान कार्यशाळा घेण्यात आली. दिव्यांग व्यक्तींना मतदानाचा हक्क बजावता यावा, अंध व्यक्तींच्या अनेक समस्यांचे डॉ. ब्रेल लिपीचा वापर करून आपल्या मतदानाचा हक्क कसा बजावावा याबाबत मार्गदर्शन करण्यात आले. या वेळी दिव्यांग मोठ्या संख्येने उपस्थित होते. उपजिल्हाधिकारी आशिष कुमार सोनोने, तहसीलदार संगीता गायकवाड, नायब तहसीलदार सुनील येवले, प्रगणक विशाल बोदडे यांनी मार्गदर्शन केले. या कार्यशाळेसाठी कमलेश सोनवणे, सहायक बीएलओ ठाकूर उपस्थित होते. या कार्यक्रमासाठी दि नॅशनल असोसिएशन ऑफ डिसेबल इंटरप्राईजेसचे विंकटेश नायडू, विक्रम मोरे, राधाकृष्णन आयर यांनी मोलाचे सहकार्य केले.