गोवेलेमध्ये रस्‍त्‍याच्‍या डांबरीकरणाचे लोकार्पण

गोवेलेमध्ये रस्‍त्‍याच्‍या डांबरीकरणाचे लोकार्पण
माणगाव, ता. १० (वार्ताहर) ः सार्वजनिक बांधकाम विभागांतर्गत गोवेलेमधील चिकणी वाडी येथील रस्त्याच्या डांबरीकरणाचे लोकार्पण व आरोग्य शिबिराच्या वर्षपूर्तीचा उद्‍घाटन सोहळा शिवसेनेचे माणगाव तालुका संपर्कप्रमुख जयेश बाबूराव सावंत व माणगाव पंचायतीचे माजी सभापती सुजित शिंदे यांच्या हस्ते पार पडला. शिवसेनेच्‍या माध्यमातून गोवेले पंचक्रोशीतील विविध विकासकामे करण्यात आली असल्‍याचे माणगाव तालुकाप्रमुख जयेश सावंत यांनी सांगितले; तर माजी सभापती सुजित शिंदे यांनीही आपल्या भाषणात मोलाचे मार्गदर्शन केले. या वर्षीही शिबिराचा लाभ घेण्यासाठी पंचक्रोशीतील ग्रामस्थ व महिला वर्ग उपस्थित होते. या वेळी चादोरे गावचे माजी सरपंच विष्णू भोसले, शाखाप्रमुख सुरेश लोखंडे, ग्रामपंचायत सदस्य सुरेश चाचले, तसेच साई प्राथमिक आरोग्य केंद्राचे डॉ. संदीप भालके, प्रणाली मोरे, मंचेकार, रणखांबे व परिसरातील इतर ग्रामस्थ उपस्थित होते.