Navi Mumbai : हॉटेलमध्ये सुरु होता वेश्या व्यवसाय; पोलिसांनी छापा टाकून केली कारवाई

Tarapur Crime: एमआयडीसी परिसरातील एका हॉटेलवर छापा टाकून पोलिसांनी वेश्या व्यवसायाचा पर्दाफाश केला. या प्रकरणी दोन जणांना अटक करून तीन पीडित महिलांची सुटका करण्यात आली.

तारापूर एमआयडीसीमधील कॅम्लिन नाका परिसरात असलेल्या हॉटेलमध्ये मंगळवारी (ता. १६) वेश्या व्यवसाय सुरू असल्याची गोपनीय माहिती स्थानिक गुन्हे शाखेच्या पोलिस कर्मचाऱ्यांना मिळाली होती. त्यानुसार प्रभारी अधिकारी अनिल विभुते यांना याची माहिती दिल्यानंतर त्यांनी हॉटेलमध्ये एक बोगस गिऱ्हाईक पाठवून वेश्या व्यवसाय सुरू असल्याची पडताळणी केली असता तथ्य असल्याचे आढळून आले.

स्थानिक गुन्हे शाखा आणि बोईसर पोलिस कर्मचारी यांचे पथक तयार करून हॉटेलवर धाड टाकली असता त्या ठिकाणी अवैध वेश्या व्यवसाय सुरू असल्याचे आढळून आले. या प्रकरणी सनशाईन हॉटेलचे मालक नवीनकुमार पुजारी, व्यवस्थापक सुभाष जाधव, एका गिऱ्हाईकाला ताब्यात घेऊन त्यांच्यावर गुन्हा दाखल करण्यात आला आहे.

तर वेश्या व्यवसायासाठी आणलेल्या तीन महिलांची सुटका करण्यात आली. ही कारवाई स्थानिक गुन्हे शाखेचे प्रभारी अधिकारी अनिल विभुते यांच्या नेतृत्वाखाली पोलिस उपनिरीक्षक सुनील नलावडे, हवालदार संदीप सूर्यवंशी, कैलास पाटील, नरेंद्र पाटील बोईसर पोलिस ठाण्याच्या कर्मचारी पल्लवी कोल्हे, पूजा सुतार यांनी पार पाडली.