पुनर्विकास प्रकल्पची आढावा बैठक

बीडीडी चाळ पुनर्विकास आढावा बैठक
प्रभादेवी, ता. २५ (बातमीदार) : वरळी बीडीडी चाळ क्रमांक ३० व ३१ च्या पुनर्विकास प्रकल्पाचा आढावा घेण्यासाठी प्रकल्पस्थळी म्हाडा अधिकारी, टीसीसी कन्स्‍ट्रक्‍शन कंपनीचे अधिकारी, वास्तुविशारद व रहिवाशी यांच्या उपास्थितीत प्रकल्प आढावा बैठक पार पडली. बैठकीत पहिल्या टप्प्यातील बीडीडी चाळ क्रमांक ३० व ३१ च्या रहिवाशांनी मूलभूत सोयी सुविधांबाबत उपस्थित केलेल्‍या प्रश्‍नांचे निरसन केल्यानंतर इमारत क्रमांक डी १ व ई १ चे काम डिसेंबर २०२४ पर्यंत पूर्ण करून रहिवाशांना घराचा ताबा देणार असल्याचे स्पष्ट करण्यात आले. सकारात्‍मक चर्चा झाल्‍याचे रविकांत सारवान, बजरंग काळे, सुरेश खोपकर यांनी सांगितले. नियोजित वेळेत इमारत क्रमांक १ डी व १ ई च्या ४० मजल्याचे बांधकाम पूर्ण करून सदनिकेअंतर्गत काम जलदगतीने सुरू आहे. डिसेंबर २०२४ पर्यंत रहिवाशांना घराचा ताबा मिळेल, या आनंदात रहिवाशांनी फटाके फोडून जल्लोष केला.