पश्चिम रेल्वेत आचारसंहितेचे तीनतेरा

पश्चिम रेल्वेत आचारसंहितेचे तीनतेरा

सकाळ वृत्तसेवा
मुंबई, ता. २५ : लोकसभा निवडणुकीच्या पार्श्वभूमीवर आचारसंहिता लागू झाली असतानाच लोकलमध्ये अजूनही पंतप्रधान नरेंद्र मोदी यांच्या रोजगार मेळाव्याच्या जाहिराती झळकत आहेत. त्यामुळे पश्चिम रेल्वेवर निवडणूक आयोग कोणती कारवाई करणार, याकडे प्रवाशांमधून विचारणा होत आहे.
निवडणूक आयोगाकडून १६ मार्च रोजी लोकसभा निवडणूक जाहीर झाल्यानंतर त्याची आचारसंहिता लागू करण्यात आली आहे. या काळात सर्व प्रकारच्या शासकीय, स्थानिक स्वराज्य संस्थांच्या इमारतींवरील राजकीय पक्षांच्या जाहिराती, खासगी इमारतींवरील परवानगीशिवाय लावलेल्या जाहिराती, सार्वजनिक ठिकाणच्या जाहिराती काढण्याचे निर्देश आयोगाने दिले होते. तसेच राज्य आणि केंद्र शासनाच्या योजनांची माहिती देणारे डिजिटल फलक, राजकीय नेत्यांच्या प्रतिमा आचारसंहितेचा भंग होऊ नये, म्हणून झाकून टाकण्यात आल्या होत्या. असे असताना पश्चिम रेल्वेच्या मुंबई विभागातील उपनगरीय लोकलमधील जाहिरातींमध्ये (स्क्रिनवर) अजूनही पंतप्रधान नरेंद्र मोदी यांच्या माध्यमातून झालेल्या रोजगार मेळाव्याच्या जाहिराती अजूनही झळकत आहेत. त्यामुळे आता निवडणूक आयोगाकडून याप्रकरणी कारवाई होणार आहे का, अशी विचारणा केली जात आहे.
-----------------
रेल्वे प्रशासनाला उशिराचे शहाणपण
उपनगरीय लोकलमध्ये प्रवाशांच्या मनोरंजनासाठी आणि महसुलासाठी पश्चिम रेल्वेने लोकलमध्ये स्क्रीन लावली आहे. अशातच आचारसंहिता लागली असताना पंतप्रधान नरेंद्र मोदी यांच्या रोजगार मेळाव्याची जाहिरात सुरूच असल्याने याबाबतच्या अनेक तक्रारी प्रवाशांनी केल्या होत्या. सुरुवातीला रेल्वेने याकडे दुर्लक्ष केले, पण आता याबाबतचे व्हिडीओ समाजमाध्यमावर व्हायरल झाल्याने जाहिराती हटवण्यासाठीच्या हालचाली सुरू झाल्या आहेत.
---------------------------
रेल्वेत सुरू असलेल्या जाहिराती आमच्या निदर्शनाश आल्या आहेत. त्या जाहिराती तत्काळ बंद करण्याचे निर्देश संबंधित विभागाला दिले आहेत.
- सुमीत ठाकूर, मुख्य जनसंपर्क अधिकारी, पश्चिम रेल्वे

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com