लोकलमधून पडून तरुणीचा मृत्यू

लोकलमधून पडून तरुणीचा मृत्यू

सकाळ वृत्तसेवा
डोंबिवली, ता. २९ ः लोकलमधून प्रवास करताना तोल जाऊन एका २६ वर्षीय तरुणीचा जागीच मृत्यू झाल्याची घटना सोमवारी सकाळी घडली. कोपर ते दिवा रेल्वेस्थानकादरम्यान हा प्रकार घडला असून डोंबिवली लोहमार्ग पोलिस ठाण्यात याप्रकरणी नोंद करण्यात आली आहे.
डोंबिवली पूर्वेला राहणाऱ्या रिया राजगोर (वय २६) ठाणे येथे कामाला होती. नेहमीप्रमाणे तिने डोंबिवली रेल्वेस्थानकातून मुंबई दिशेला जाणारी जलद लोकल पकडली होती. लोकलमध्ये गर्दी असल्याने दरवाजाजवळ उभे असलेल्या रियाचा गर्दीच्या रेट्याने कोपर ते दिवा रेल्वे स्थानकादरम्यान तोल गेला. सोमवारी सकाळी ८ ते ९ च्या दरम्यान हा अपघात घडला असून डोंबिवली लोहमार्ग पोलिसांना घटनास्थळी रियाचा मृतदेह सापडला आहे.
----------------------------------
आठवडाभरातील दुसरी घटना
डोंबिवलीतील प्रवाशाचा लोकलमधून पडून मृत्यू होण्याची आठवडाभरातील दुसरी घटना आहे. यापूर्वी अवधेश दुबे याचाही २३ एप्रिलला लोकलमधून प्रवास करताना तोल जाऊन डोंबिवली ते मुंब्रा रेल्वेस्थानकादरम्यान मृत्यू झाला होता.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com