मराठी निर्मात्यांचे आज आंदोलन

मराठी निर्मात्यांचे आज आंदोलन

कांदिवली, ता. २९ (बातमीदार) : कोरोना महामारीत राज्य सरकारने समाजातील विविध घटकांना मदत केली. चित्रपट व नाट्य रंगकर्मीचे महामंडळ केले; मात्र चित्रपट निर्माते मदतीपासून वंचित राहिले. २०१९मध्ये तयार झालेल्या सुमारे १३०हून अधिक मराठी चित्रपटांना अपात्र ठरवून अनुदानापासून वंचित ठेवल्याचा आरोप अखिल भारतीय चित्रपट निर्माता महामंडळाच्या वतीने करण्यात आला आहे. अनुदान व अन्य मागण्यांसाठी महामंडळाच्या वतीने ३० एप्रिलला दादर येथील दादासाहेब फाळके यांच्या पुतळ्यासमोर सकाळी नऊ ते एक या वेळेत आंदोलन करण्यात येणार आहे.