वाशीत डिजिटल व्यवसाय प्रणालीवर कार्यशाळा

नवी मुंबई, ता. १ (वार्ताहर) : वाशी सेक्टर तीनमधील महात्मा जोतिबा फुले भवनमध्ये ७ मे रोजी दुपारी तीन वाजता आधुनिक डिजिटल व्यवसाय प्रणालीवर कार्यशाळाचे आयोजन करण्यात आले आहे. महाराष्ट्र चेंबर ऑफ कॉमर्स ॲण्ड ॲग्रिकल्चर आणि नवी मुंबई स्वयंसेवी समन्वय संस्था यांच्या संयुक्त विद्यमाने ही कार्यशाळा पार पडणार आहे. या वेळी प्रमुख वक्ते म्हणून आयटी टेक्नॉलॉजी स्पेशालिस्ट दीपा राऊत उपस्थित राहणार आहेत. कार्यशाळेमध्ये व्यवसाय वृद्धीसाठी डिजिटल कार्यप्रणालीचा वापर, व्यवसाय ऑटोमेशन, अर्थसाह्य आणि सरकारी योजना, डिजिटल मार्केटिंग, व्यवसायासाठी ब्रँडिंगचे महत्त्व याबाबत मार्गदर्शन करण्यात येणार आहे. या कार्यशाळेत महाराष्ट्र चेंबर ऑफ कॉमर्स ॲण्ड ॲग्रिकल्चरचे अध्यक्ष ललित गांधी, उपाध्यक्ष शुभांगी तिरोडकर, तसेच नवी मुंबई स्वयंसेवी समन्वय संस्थेच्या समन्वयक वृषाली मगदूम व अमरजा चव्हाण उपस्थित राहणार आहेत. कार्यशाळेत प्रवेश विनामूल्य असून अधिक माहितीसाठी ९९८७७६०७८५, ८८७९७७४३४८ या क्रमांकावर संपर्क साधण्याचे आवाहन करण्यात आले आहे.