बेलापूर न्यायालयाच्या शौचाल्याची दूरवस्‍था

बेलापूर न्यायालयाच्या शौचालयाची दुरवस्‍था
न्यायालयीन कर्मचाऱ्यांसह नागरिक त्रस्‍त
तुर्भे, ता. ११ (बातमीदार) : बेलापूर न्यायालयातील शौचालयाची अवस्‍था दयनीय झाली आहे. त्‍यामुळे न्‍यायालयीन कर्मचाऱ्यांसह नागरिकांची गैरसोय होत आहे. वकीलवर्गाकडूनही नाराजी व्‍यक्‍त करण्यात येत आहे.
बेलापूर सेक्टर १५ येथील जिल्हा व अतिरिक्त सत्र न्यायालयाच्‍या इमारतीमध्ये दररोज सुमारे पाचशेहून अधिक प्रमाणात नागरिकांची ये-जा असते. ज्यामध्ये न्यायालयातील कर्मचारी वर्ग, न्यायाधीश, वकील, पोलिस अधिकारी आदींचा समावेश आहे. मात्र, न्यायालय इमारतीमधील स्वच्छतागृहाची अवस्‍था दयनीय झाल्‍याने नागरिकांची गैरसोय होत आहे. ‍स्‍वच्‍छतागृहाची दुर्गंधी अगदी बाहेर येत असल्‍याने नाकावर रुमाल ठेवून परिसरात वावरावे लागत आहे. याठिकाणी येणाऱ्या दुर्गंधीमुळे आजारी पडण्याची दाट शक्यता वर्तविण्यात येत आहे. स्वच्छतागृहाची अवस्था पाहता कित्येक महिने स्वच्छता न केल्याचे दिसून येत आहे. नागरिकांना नाईलाजास्तव स्वच्छतागृहाचा वापर करावा लागतोय. येथील भांडी तुटलेली असून पाणी नसल्‍याने रोष व्‍यक्‍त करण्यात येत आहे. त्‍यामुळे किमान स्‍वच्‍छतागृहाची साफसफाई करावी, अशी मागणी नागरिकांकडून करण्यात येत आहे.
..............................
कोट
न्यायालय प्रशासनाकडून नगरिकांच्या मागणीची दखल घेऊन स्वच्छतागृहाची स्वच्छता करावी, जेणेकरून नागरिकांना दुर्गंधीचा त्रास होणार नाही.
-मनोज शिंदे, नागरिक
...........
कोट
न्यायालयात दिवसभर अनेक नागरिकांची ये-जा सुरू असते. त्यात काही आरोपी अतिशय गलिच्छ असतात. तसेच स्वच्छतागृहातील दुर्गंधी बाहेरपर्यंत येते. इतकी अस्वच्छता असल्याने रोगराईदेखील पसरू शकते.
- ॲड. सुशांत जोशी

सत्यवानकडे फोटो