बाईक रॅली द्वारे महिलांनी केली मतदान जनजागृती

कल्याण (वार्ताहर) : कल्याण पश्चिम मतदारसंघात ''कल्याण मम्मीज'' या समूहाने वसंत व्हॅली ते खडकपाडा सर्कल ते साई चौक बाईक रॅली काढून शहरातील महिलांना आणि नवीन मतदारांना मतदान करण्याचे आवाहन केले. ''मतदान करा, मतदान करा, २० मे रोजी मतदान करा'' या घोषणा देत लोकांचे लक्ष वेधले. शनिवारी (ता. ११) कल्याण पश्चिम मतदारसंघातील ''कल्याण मम्मीज'' या समूहामार्फत वसंत व्हॅली खडकपाडा सर्कल साई चौकपर्यंत मतदार जनजागृतीसाठी बाईक रॅलीचे आयोजन केले होते. कल्याण पश्चिम मतदारसंघातील स्वीप नोडल प्रमुख यांच्या मार्गदर्शनाखालील या रॅलीमार्फत शहरातील मतदारांना मतदान करण्याचे आवाहन करण्यात आले.