अधिकारी, कर्मचाऱ्यांनी बजावला टपाली मतदानाचा हक्क

अधिकारी, कर्मचाऱ्यांनी बजावला टपाली मतदानाचा हक्क

कल्याण, ता. १५ (वार्ताहर) : कल्याण लोकसभा मतदारसंघात निवडणूक कर्तव्यावर असणाऱ्या तथापि इतर ठिकाणी मतदार असलेल्या ५६४ अधिकारी, कर्मचाऱ्यांनी टपाली मतदानाद्वारे लोकशाहीचा हक्क बजावला. जिल्हा निवडणूक अधिकारी तथा जिल्हाधिकारी अशोक शिनगारे यांनी डोंबिवलीतील सावित्रीबाई फुले कलामंदिरात कल्याण ग्रामीण विधानसभा मतदारसंघाच्या टपाली मतदान प्रक्रियेची समक्ष पाहणी केली. त्यानंतर त्यांनी नेतीवली नाका येथील एसएसटी पथकाची पाहणी करून संबंधित पथकाला योग्य ते निर्देश दिले.
कल्याण लोकसभा मतदारसंघात नुकतेची टपाली मतदान प्रक्रिया पार पडली. यामध्ये कल्याण लोकसभा मतदारसंघाच्या निवडणूक निर्णय अधिकारी सुषमा सातपुते, सहायक निवडणूक निर्णय अधिकारी विश्वास गुजर व वैशाली परदेशी यांच्यासह निवडणूक कर्तव्यावरील आणि मतदारसंघाच्या परिक्षेत्राबाहेरील ५६४ अधिकारी, कर्मचारी वर्गाने टपाली मतदानाद्वारे आपल्या मतदानाचा हक्क बजावला. कल्याण लोकसभा मतदारसंघ परिक्षेत्राबाहेरील निवडणूक कर्तव्यावरील अधिकारी, कर्मचाऱ्यांसाठी ही सुविधा १७ आणि १८ मे रोजीही उपलब्ध राहणार आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com